మలేరియా ఔషధం- డాక్టర్‌ రెడ్డీస్‌కు ప్లస్‌

మలేరియా ఔషధం- డాక్టర్‌ రెడ్డీస్‌కు ప్లస్‌

దోమల ద్వారా వ్యాప్తిచెందే మలేరియా వ్యాధి చికిత్సకు వినియోగించగల ప్లేక్వెనిల్ జనరిక్ ఔషధాన్ని అమెరికా మార్కెట్లో విడుదల చేసినట్లు వెల్లడించడంతో దేశీ హెల్త్‌కేర్‌ సంస్థ డాక్టర్‌ రెడ్డీస్‌ లేబొరేటరీస్‌ కౌంటర్‌ జోరందుకుంది. ప్రస్తుతం ఎన్‌ఎస్‌ఈలో ఈ షేరు దాదాపు 3 శాతం ఎగసి రూ. 2365 వద్ద ట్రేడవుతోంది. తొలుత ఒక దశలో రూ. 2388 వరకూ జంప్‌చేసింది. 
200 ఎంజీ డోసేజీ
హైడ్రాక్సిక్లోరోక్విన్‌ సల్ఫేట్‌ ట్యాబ్లెట్ల(ప్లేక్వెనిల్‌)ను 200 ఎంజీ డోసేజీలో యూఎస్‌ మార్కెట్లో ప్రవేశపెట్టినట్లు డాక్టర్‌ రెడ్డీస్‌ పేర్కొంది. ఈ ఔషధానికి 21.5 కోట్ల డాలర్ల(సుమారు రూ. 1400 కోట్లు) మార్కెట్‌ ఉన్నట్లు తెలియజేసింది. కాగా.. యూకేలో డాక్టర్‌ రెడ్డీస్‌ సుబోక్జోన్‌ ఔషధ జనరిక్‌ను విడుదల చేయడంతో అక్కడి ఫార్మా కంపెనీ ఇండివియర్‌ లాభాలు తగ్గనున్నట్లు బుధవారం ప్రకటించిన విషయం విదితమే.



Most Popular