అగ్రి ఇన్‌ఫ్రా సెస్ వేసినా పెట్రోల్, డీజిల్ రేట్లు పెరగవట.. !!!

2021-02-01 15:38:54 By Anveshi

img

ప్రతి రోజూ పెరుగుతూ పోతోన్న ఇంధన ధరలకు కేంద్రబడ్జెట్‌లో అగ్రి ఇన్ ఫ్రా సెస్ పేరిట లీటర్ పెట్రోల్‌కు రూ.2.50, డీజిల్‌పై రూ.4 విధించినా..యూజర్లపై మాత్రం ఆ భారం పడదంటూ కేంద్ర ఆర్థికమంత్రి నిర్మలాసీతారామన్ ఊరట ప్రకటన చేశారు. ఫిబ్రవరి 2 నుంచే..అంటే రేపట్నుంచే అమల్లోకి రాబోతోన్న అగ్రి ఇన్‌ఫ్రాసెస్‌ను వ్యవసాయ, మౌలిక వసతుల కల్పన కోసమే ప్రవేశపెట్టామని చెప్పిన నిర్మలాసీతారామన్, ఇంధన వినియోగదారులపై మాత్రం ఈ సెస్ ప్రభావం ఉండదన్నారు

అది ఎలాగంటే..ఇప్పటిదాకా పెట్రోల్‌పై ఉన్న రూ.1.40పైసలు, డీజిల్‌పై ఉన్న రూ.1.80పైసల బేసిక్ ఎక్సైజ్,డ్యూటీని రద్దు చేస్తామని చెప్పారు. ఇంధనంపై కేంద్రమే స్పెషల్ అడిషనల్ ఎక్సైజ్ డ్యూటీని వసూలు చేస్తోంది.అలా పెట్రోల్‌పై రూ.11, డీజిల్‌పై రూ.8మేర ఈ బాదుడు ఉంది..ఇప్పుడు కేంద్రం ప్రకటించిన దాని ప్రకారం,ఈ రకపు సెస్ రద్దై..కొత్తగా వచ్చిన అగ్రి ఇన్‌ఫ్రా సెస్ అమలు కానుందన్నమాట..ఐతే ఏ రాయైతేనేం పళ్లూడగొట్టడానికి అన్నట్లుగా వినియోగదారులకు ధరాఘాతం మాత్రం తప్పదని తెలుస్తోంది. వాస్తవంగా ఇంధన ధరలు ఎలా ఉండబోతున్నాయన్నది కొద్దిరోజుల్లోనే తెలియనుంది


agri infra cess hike price petrol diseal budget 2021

Expert's View


మంచి కంపెనీల IPO లకు ఎందుకు ఆదరణ కరువైంది ?

Trending